مـــرحبـــاً بــك .. في مدونـة ♥ Heart strings ♥

الأربعاء، 5 سبتمبر 2012

رسالة شكر و تقدير

 

 

السلام عليكم و رحمة الله و بركاته
الموضوع ده كان لازم أكتبه من زمان بس كل شويه كنت بأجله لأشغالي الكتير بس جه الوقت إني أكتبه عشان أشكر ناس كتيره أوووووي و أوضح أمور لناس تانية
الكل عارف الظروف اللي قابلت فريقنا من بداية ما بدأنا نشتغل... قلة المترجمين أو عدم وجود مترجمين ثابتين عندنا خلانا نواجه صعوبة في ترجمة الأفلام و المسلسلات التايلاندي لصعوبة وجود ملفات الترجمة و بالتالي كنت بضطر أقعد أعمل توقيت الحلقات اللي كانت بتوصل في الحلقة الواحدة لألف و شوية سطر.
أكتر من مرة فكرت أقفل المدونة لكن بتشجيع و مساعدة من بنات و شباب كتير و متابعين للمدونة كنت بتراجع عند آخر لحظة و أغير رأيي.
عشان كده كان واجب عليا أقدم رسالة شكر و تقدير من كل قلبي لكل من ساعدني
و أولهم:


-أختى الغالية و رفيقة الدرب اللي دايما أنا بتعبها معايا حبيبتي (زاهرة)
- الرائعة و المبدعة و شاركتني في المدونة (نائله)
- المميزة (أميرة بهدوئي)... بجد مشتاقة ليكي
- ايموتر Ugly Nona ... على الرغم من انشغالك بالدراسة دايماً معانا
- تى الرائع SCREEM KING ... شكراً من كل قلبي
- العظيمة و المتألقة (سنو وايت)
- رافعتنا الغالية (Marmoria ) ... أتمنى ترجعي لينا بألف سلامة.
 

- المصممة المبدعة (AzOoOz) ...شكراً لتصميماتك الرائعة يا حبيبتي 

- الجميلة (Soraya)... مشتاقة ليكي، إنتي فين؟ وحشاني جداً.
- تى AMr ... شكرا على الدعم الفني لمدونتي دائما من غيرك معرفش كنت عملت إيه.


و من الفرق اللي دايماً بتشجعني:

فريق Ḇỳũl Ḟăņśũḇś

- المصممة الجميلة  (shuoo )
- المبدعة و المترجمة المحترفة (الجدة بدر)

 

فريق SHINee ★ World

- مس ديلو

 - M2lo

 بشكرهم كتير على كل المساعدات اللي قدموها ليا في الترجمة... تسلموا يا غاليين

 

فريق sweet n♥na

- و أكيد حبيبتي القمر المترجمة المبدعة (سويت نونـــــــــــــــــــــــــــــــــــــــا)
 

فريق dramawonderland

- أخي محمد من فريق دراما لاند
 

 

فريق Summer ★ Dream الف مبروك لرجوعكم

دي كلمة شكراً قليلة عليكم يا أفضل أصدقاء... لولا مجهودكم لم تكن المدونة لتستمر و لم تكن تلك الأعمال التي قام بها فريق Heart string لتظهر للضوء.
و برضه لازم أشكر كل المتابعين للمدونة... شكراً ليكم على متابعتكم لأعمالنا لإن كل شغلنا و تعبنا عشانكم إنتم، و بتمنى إن أعمال الفريق و اختياراته تنال إعجابكم دايماً
بالنسبة بقه للأمور اللي قلت إنها لازم توضح... في الفترة الأخيرة في كذا حد هاجمني مهاجمة شرسة و غير متوقعة ... مهاجمة فاجئتني و زعلتني لإني مكنتش متصورة إنها تطلع منهم، أنا من خلال الموضوع ده بشكرهم على مهاجمتهم و هقولهم إن على أد ما زعلني إن المعاملة تكون بالاسلوب ده معايا على أد ما عرفت إني ناجحة و إن فريقي و إن كان بيقابل مشاكل و عثرات ف طريقه إلا إنه ناجح و بإن الله هيكون ناجح على طول، و كون إن حد مفكر إن ليه فضل على الفريق أو بيساعده بيطرق (غير مباشرة) على حد تعبيره فمحدش ليه فضل على الشغل بتاعنا _بعد الله_ إلا الأشخاص اللي ذكرتهم فوق و المشاهدين و الأصدقاء و المساندين لينا، كون إن حد مفكر إنه من الجنود الخفية اللي وراء الكواليس و بيتصرف معايا من هذا المنطلق و كمان داخل يهزأني فده مش من الزوق و مش من أخلاق المحترفين، في الأول و لا الآخر شغلنا في الترجمة مجرد هواية بنحاول نسعد بيها الناس، يعني لا شغل بناخد عليه أجر و لا شئ هيخلق لينا مهنة نرتزق منها في المستقبل، فياريت يكون الود هو أساس التعامل.
رغم الإهانة اللي اتعرضت ليها إلا إني اتكلمت بكل زوق للنهاية لإن تربيتي كده، اتربيت مهزأقش الناس و أهينهم لمجرد إنطباع اخدته عنهم أو معلومات لا أساس لها من الصحة.
و في النهاية أحب أؤكد على شكري لكل من ساندني و أقولهم عشان خاطركم هستمر و الفريق هيستمر و مش هسمح لأي حد يثبط من همتي أو يضايقني لمجرد إنه فاكر نفسه صاحب اليد العليا ف شغل الترجمة.
و لكم جزيل الشكر يا غاليين.

تعليقات (فيس بوك)
8تعليقات (بلوجر)

8 التعليقات:

غير معرف يقول... Best Blogger Tips

لاااا
والله كنت راح افقدك فقده مو طبيعيه
على ان مو يوميا تنزلي ، بس اعرفي اني شبة يومي افتح مدونتك اتطمن على الامور
بجد شكرا على مدونتك الرائعه واشكرك الجميع على تشجيعهم لك ياعسل

وبالتوفيق يارب
mandymoon

jnann alr007 يقول... Best Blogger Tips

فايتنق اوني


وثااانكيو للجميع

استمروا في تميز وعنجد اختياركم بالمسلسلات ولا اروووعه بجد بيجننو

اتمنئلكم جميع حياااه سعيدة زي ماسعدتوني

تشكرررررررراتي اوني انا فاتن

miaka2030 يقول... Best Blogger Tips

عجبتني ساد انجل .. (لازم تغيرين اسمج الى هابي انجل احلى :) )
ولكم بااااااااااك
ونتنظر الدرامات التايلاندية بفاارغ الصبر .. ومعااك حق الدرامات صعب الواحد يلقى لهاا ملفاات ترجمة

aliaaamr يقول... Best Blogger Tips

احنا بندعمك ومعاكي اااخر ومتزعليش نفسك ولانك ناجحه فطبيعي انهم يهجموكي

Tattoo يقول... Best Blogger Tips

^^ واكيد نحنا بنشكرك حبيبتي ساد انجل
لانك بعد الله انتِ السبب في اننا اجتمعنا هنا =)
يسعدك الهي وان شاء الله نقدر نكمل مع بعض ^^
"Ugly Nona" بس متنكرة هيهيهيهي ^^"
يسعدك الهي

Summer★Dream يقول... Best Blogger Tips

تسلمين يا حبيبتي ..
وما سوينا لك شيء .. ما سوينا الا القليل وأنتي تستاهلين أكثر ..
بالتوفيق لك ..
وأنا في خدمتك في أي وقت ..
متى ما أحتجتي تصاميم Summer Dream مستعدة تسويلك اللي تبين ..
Big Hug ..

FNS يقول... Best Blogger Tips

قلبو بندعمك ومعاكي الاخر
ربي يسعدكي ويوفقكي في الدنيتكي واخرتك

Pure Princess يقول... Best Blogger Tips

مرحبا أيمي
شكرا لأنك ذكرتي اسمي لكني أسفة اتمنى يشيليه من الموضوع خالص
ولوعايزة تشكري فريقنا اشكري سوان لإن اللي ساعدتك فعلا هي سوان من باب العدل والإنصاف انك تشكريها هي مش أنا
ولو مش عايزة برضة أنا حابة انك تشيلي اسمي من البوست اللي فوق

إرسال تعليق